លក្ខខណ្ឌចត្តាឡីស័កថ្មី! ក្រោយបើកប្រទេស អ្នកដែលមានលក្ខខណ្ឌទាំងនេះធ្វើចត្តាឡីស័កតែ៣ថ្ងៃទេ

លក្ខខណ្ឌចត្តាឡីស័កថ្មី! ក្រោយបើកប្រទេស អ្នកដែលមានលក្ខខណ្ឌទាំងនេះធ្វើចត្តាឡីស័កតែ៣ថ្ងៃទេ

នាពេលឆាប់ៗខាងមុខនេះ កម្ពុជាអាចនឹងបើកប្រទេសឡើងវិញបន្ទាប់ពីស្ថានភាពជំងឺកូវីដ១៩ ចាប់ផ្ដើមមានភាពល្អប្រសើរឡើងនៅមួយរយៈចុងក្រោយនេះ។ ក្នុងនោះកាលពីថ្ងៃទី១៤ ខែតុលា កន្លងទៅ ក្នុងពិធីទទួលវ៉ាក់សាំងបង្ការជំងឺកូវីដ១៩ ស៊ីណូវ៉ាក់ចំនួន ២លានដូសដែលជាជំនួយរបស់រាជរដ្ឋាភិបាល និងប្រជាជនចិន ជូនរាជរដ្ឋាភិបាលកម្ពុជា លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាលបានឱ្យដឹងថា ផ្អែកលើការធ្លាក់ចុះជាបន្តបន្ទាប់នៃការឆ្លង ការឈឺធ្ងន់ធ្ងរ និងការស្លាប់ដោយសារជំងឺកូវីដ ១៩ កម្ពុជានឹងបើកសេដ្ឋកិច្ចសង្គមពេញលេញឡើងវិញនៅក្នុងពេលឆាប់ៗនេះ ដោយសារយុទ្ធនាការ ចាក់វ៉ាក់សាំងកំពុងធ្វើយ៉ាងរហ័ស នៅគ្រប់ទីកន្លែង។ ជាមួយគ្នានោះដែរ ខណៈដែលកម្ពុជាអាចនឹងបើកប្រទេសឡើងវិញ ក្រសួងសុខាភិបាលក៏បានចេញលិខិតស្តីពីការធ្វើចត្តាឡីស័កសម្រាប់អ្នកដំណើរដែលទទួលបានការចាក់វ៉ាក់សាំងដូសមូលដ្ឋានបានពេញលេញ ក្នុងនោះមានអ្នកដំណើរមួយប្រភេទធ្វើចត្តាឡីស័កតែ ៣ថ្ងៃប៉ុណ្ណោះ។ យោងតាមការចេញផ្សាយរបស់ក្រសួងសុខាភិបាលបានចេញផ្សាយថា វិនិយោគិន បុគ្គលិកជំនាញបច្ចេកទេស បុគ្គលិកក្រុមហ៊ុន ទាំងជនជាតិខ្មែរនិងបរទេស មន្រ្តីការទូតមន្រ្តីអនុវត្តគម្រោងសហប្រតិបត្តិការផ្លូវការ និងមន្រ្តីរាជការរបស់រាជរដ្ឋាភិបាល ដែលត្រឡប់បំពេញបេសកម្មនៅក្រៅប្រទេស (ដោយរួមបញ្ចូលក្រុមគ្រួសាររបស់ក្រុមអាទិភាពនេះ) គឺធ្វើចត្តាឡីស័កតែ ៣ថ្ងៃប៉ុណ្ណោះ ដោយធ្វើតេស្ត PCR ​តែម្តងគត់នៅច្រកចេញចូលប្រទេស។ ក្រសួងសុខាភិបាលបានបញ្ជាក់ថា ចំពោះអ្នកដំណើរទូទៅដែលជាជនជាតិខ្មែរ ឬជនបរទេស ត្រូវធ្វើចត្តាឡីស័កចំនួន ៧ថ្ងៃ ដោយលើកទី១ RDT នៅច្រកចេញចូលប្រទេស(ពេលមកដល់) លើកទី២ PCR(ថ្ងៃទី៦)។ សម្រាប់អ្នកដំណើរមិនបានវ៉ាក់សាំងកូវីដ១៩ ឬមិនទាន់ចាក់វ៉ាក់សាំងដូសមូលដ្ឋានបានពេញលេញ គឺត្រូវចត្តាឡីស័កចំនួន ១៤ថ្ងៃ ដោយលើកទី១នៅច្រកចេញចូលប្រទេស(ពេលមកដល់) លើកទី២ PCR(ថ្ងៃទី១៣)៕

ក្រសួងធនធានទឹក៖ ឥទ្ធិពលព្យុះទី២០ នឹងធ្វើឲ្យកម្ពុជា មានភ្លៀងធ្លាក់រាយប៉ាយ ចាប់ពីថ្ងៃទី១៥-១៩ ខែតុលា ដែលអាចបង្កឲ្យមានជំនន់ទឹកភ្លៀងច្រើនកន្លែង

ក្រសួងធនធានទឹក៖ ឥទ្ធិពលព្យុះទី២០ នឹងធ្វើឲ្យកម្ពុជា មានភ្លៀងធ្លាក់រាយប៉ាយ ចាប់ពីថ្ងៃទី១៥-១៩ ខែតុលា ដែលអាចបង្កឲ្យមានជំនន់ទឹកភ្លៀងច្រើនកន្លែង

(ភ្នំពេញ)៖ រដ្ឋមន្ដ្រីក្រសួងធនធានទឹក លោក លឹម គានហោ បានចេញសេចក្ដីជូនដំណឹង ពាក់ព័ន្ធទៅនឹងបញ្ហាអាកាសធាតុ នៅប្រទេសកម្ពុជា ដោយចាប់ពីថ្ងៃទី១៥ ដល់ថ្ងៃទី១៩ ខែតុលា ឆ្នាំ២០១៧នេះ កម្ពុជានឹងទទួលឥទ្ធិពលព្យុះទី២០ ឈ្មោះ ខាណុន ដែលនាំឲ្យមានភ្លៀងធ្លាក់រាយប៉ាយ អាចបង្កឲ្យមានជំនន់ទឹកភ្លៀងច្រើនកន្លែងទៀតផង។
យោងតាមសេចក្ដីជូនដំណឹងរបស់រដ្ឋមន្ដ្រីក្រសួងធនធានទឹក បានបញ្ជាក់ថា ព្យុះទី២០ឈ្មោះ ខាណុន ដែលបានវិវត្តន៍ខ្លួនពីសម្ពាធទាប និងកំពុងស្ថិតនៅភាគខាងជើង ប្រទេសហ្វីលីពីន ហើយពេលធ្វើដំណើរដល់សមុទ្រចិនខាងត្បូង នឹងបង្កើនឥទ្ធិពលទៅជាព្យុះទីហ្វុង ឆ្ពោះមកទិសខាងលិច ក្នុងល្បឿន១២០គីឡូម៉ែត្រក្នុងមួយម៉ោង។
បន្ទាប់ពីឆ្លងកាត់កោះហៃណាំ ព្យុះខាណុន នឹងរំកិលខ្លួនចូលទៅឈូងសមុទ្រតុងកឹងរបស់វៀតណាម ហើយបន្ដដំណើរដល់ឆ្នេរប្រទេសវៀតណាមភាគកណ្ដាល នៅយប់ថ្ងៃទី១៧ ខែតុលា​ ឆ្នាំ២០១៧​។
លោករដ្ឋមន្ដ្រី បានបញ្ជាក់ទៀតថា ឥទ្ធិពលព្យុះនេះនឹងធ្វើឲ្យកម្ពុជា បាននិងកំពុងទទួលរងឥទ្ធិពលសម្ពាធទាប នៅតំបន់ទំនាបកណ្ដាល និងតំបន់ខ្ពង់រាប ចាប់ពីថ្ងៃទី១៧ ដល់ថ្ងៃទី១៩ ខែតុលា នៅតាមរាជធានី-ខេត្តមួយចំនួន ដែលនាំឲ្យភ្លៀងធ្លាក់រាយប៉ាយ ក្នុងកម្រិតពីបង្គួរទៅច្រើន។ ដោយឡែកតំបន់មាត់សមុទ្រវិញ អាចមានភ្លៀងធ្លាក់ពីមធ្យមទៅច្រើនចាប់ពីថ្ងៃទី១៥ ដល់ថ្ងៃទី១៨ ខែតុលា ឆ្នាំ២០១៧ ហើយលើផ្ទៃសមុទ្រ ផ្ទៃមេឃអាប់អួរ ភ្លៀងធ្លាក់ច្រើនខ្យល់បកបោកខ្លាំង និងរលកសមុទ្រខ្ពង់។
ជាមួយគ្នានេះ រដ្ឋមន្ដ្រីក្រសួងធនធានទឹក សូមអំពាវនាវឲ្យក្រសួង ស្ថាប័ន ពាក់ព័ន្ធ អាជ្ញាធរដែនដីប្រជាពលរដ្ឋ ប្រជានេសាទ និងអ្នកដំណើរតាមសមុទ្រ សូមបង្កើនការប្រុងប្រយ័ត្នខ្ពស់ ចៀសវាងគ្រោះថ្នាក់ផ្សេង ដែលអាចកើតមានឡើងដោយយថាហេតុ៕
សូមអានសេចក្ដីជូនដំណឹងលម្អិត របស់រដ្ឋមន្ដីក្រសួងធនធានទឹកខាងក្រោមនេះ៖

គ្រោះថ្នាក់នៃសង្រ្គាម! នេះគឺជាសារព្រមានពីអាល្លឺម៉ង់ បន្ទាប់ពីការសម្រេចចិត្តរបស់លោក ដូណាល់ ត្រាំ

 

គ្រោះថ្នាក់នៃសង្រ្គាម! នេះគឺជាសារព្រមានពីអាល្លឺម៉ង់ បន្ទាប់ពីការសម្រេចចិត្តរបស់លោក ដូណាល់ ត្រាំ

(ប៊ែរឡាំង)៖ រដ្ឋមន្ត្រីការបរទេសអាល្លឺម៉ង់ លោក Sigmar Gabriel បាននិយាយថា បើសិនជាសហរដ្ឋអាមេរិកបោះចោលកិច្ចព្រមព្រៀងនុយក្លេអ៊ែរ ឬក៏ដាក់ទណ្ឌកម្មជាថ្មីលើអ៊ីរ៉ង់ នោះអ៊ីរ៉ង់ នឹងបានលេសនេះអភិវឌ្ឍអាវុធនុយក្លេអ៊ែរ ហើយវាក៏នឹងអាចបង្កជាគ្រោះថ្នាក់នៃសង្រ្គាមនៅជិតអឺរ៉ុបផងដែរ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអាទិត្យ ទី១៥ ខែតុលា ឆ្នាំ២០១៧។
ថ្លែងប្រាប់វិទ្យុអាល្លឺម៉ង់ Deutschlandfunk លោក Gabriel បានលើកឡើងដូច្នេះថា៖« ក្ដីកង្វល់របស់ខ្ញុំ នោះគឺថាអ្វីដែលកំពុងកើតឡើងនៅអ៊ីរ៉ង់ ឬជាមួយអ៊ីរ៉ង់ ក្រោមទស្សនៈវិស័យអាមេរិក មិនមែនជាបញ្ហាអ៊ីរ៉ង់តែម្នាក់ឯងនោះទេ ក៏ប៉ុន្តែបណ្ដាប្រទេសដទៃទៀតនៅលើពិភពលោកអាចនឹងពិចារណាថាពួកគេត្រូវផលិត ឬក៏សមនឹងទទួលបានអាវុធនុយក្លេអ៊ែរដែរឬទេ ដោយសារតែ កិច្ចព្រមព្រៀងនេះកំពុងចាប់ផ្ដើមត្រូវបានបំផ្លាញ...ជាងនេះទៅទៀត បើកិច្ចព្រមព្រៀងនេះត្រូវបានបំផ្លាញមែននោះ នោះទីក្រុងតេហេរ៉ង់ នឹងប្រើលេសនេះផលិតអាវុធនុយក្លេអ៊ែរ ហើយបន្ទាប់ មកទៀត អ៊ីសា្រអែលនឹងចេញមុខជំទាស់ដោយអះអាងថាវាជារឿងមិនអាចអត់ឱនឱ្យបាន។ ដូច្នេះចង់ឬមិនចង់ យើងអាចនឹងត្រឡប់ទៅកាន់១០ ឬ១២ ឆ្នាំមុន​ជាពេលដែល យើងប្រឈមមុខនឹងគ្រោះថ្នាក់នៃសង្រ្គាមនៅក្បែរអឺរ៉ុប»។
គួររំលឹកថា កាលពីថ្ងៃសុក្រ​ ប្រធានាធិបតីអាមេរិក លោក ដូណាល់ ត្រាំ បានបដិសេធមិនបញ្ជាក់ថាអ៊ីរ៉ង់បានគោរពតាមកិច្ចព្រមព្រៀងនុយក្លេអ៊ែរ កាលពីឆ្នាំ២០១៥ ។ ប៉ុន្តែ រដ្ឋមន្ត្រីការបរទេសអ៊ីរ៉ង់លោក Mohammad Javad Zarif នៅតែអះអាងថា អ៊ីរ៉ង់នឹងមិនដកខ្លួនចេញពីកិច្ចព្រមព្រៀងនុយក្លេអ៊ែរកាលពីឆ្នាំ២០១៥ឡើយ ត្បិតភាគីផ្សេងទៀតមានដូចជា រុស្ស៊ី អាល្លឺម៉ង់ បារាំង និងអង់គ្លេស បានអះអាងជាថ្មីពីការប្ដេជ្ញាចិត្តរបស់ពួកគេចំពោះកាតាព្វកិច្ច ដែលត្រូវអនុវត្តនៅក្រោមកិច្ចព្រមព្រៀងនេះ៕

ចិន បណ្ដេញអតីតរដ្ឋមន្ត្រីយុត្តិធម៌មា្នក់ ចេញពីបក្សដោយសារ ពុករលួយ

ចិន បណ្ដេញអតីតរដ្ឋមន្ត្រីយុត្តិធម៌មា្នក់ ចេញពីបក្សដោយសារ ពុករលួយ

(ប៉េកាំង)៖ អតីតរដ្ឋមន្ត្រីយុត្តិធម៌ចិនម្នាក់ ត្រូវបានបណ្ដេញចេញពីគណបក្សកុម្មុយនីស្ដចិន បន្ទាប់ពីមានការស៊ើបអង្កេតមួយដឹកនាំដោយក្រុមអាជ្ញាធរប្រឆាំងនឹងអំពើពុករលួយ ខណៈគណ បក្សកុម្មុយនីស្ដចិននឹងបើកសមាជបក្សលើកទី១៩ នៅសប្ដាហ៍ក្រោយនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអាទិត្យ ទី១៥ ខែតុលា ឆ្នាំ២០១៧។
ជាមួយគ្នានោះដែរ បើតាមសេចក្ដីថ្លែងការណ៍មួយចេញផ្សាយ កាលពីថ្ងៃសៅរ៍ បន្ទាប់ពីកិច្ចប្រជុំរយៈពេល០៤ថ្ងៃ នៃគណៈកម្មាធិការមជ្ឈិមបក្សកុម្មុយនីស្ដចិន លោកស្រី Wu Aiying មាន អាយុ៦៥ឆ្នាំជារដ្ឋមន្ត្រីយុត្តិធម៌ពីឆ្នាំ២០០៥​ រហូតដល់ខែកុម្ភៈ ឆ្នាំ២០១៧ ត្រូវបានគេបញ្ចូលទៅក្នុងបញ្ជីឈ្មោះនៃក្រុមមន្ត្រីមួយចំនួនដែលត្រូវបណ្ដេញចេញពីបក្សសម្រាប់អំពើពុករលួយ។ ចំណែកឯ គណៈកម្មាធិការមជ្ឈិមអធិការកិច្ចវិន័យក៏បានឱ្យដឹងដែរថា លោកស្រី Wu មានបញ្ហាវិន័យជាច្រើន ហើយដែលការលើកឡើងបែបនេះគឺចង់សំដៅទៅលើការប្រព្រឹត្តអំពើពុក រលួយ ក៏ប៉ុន្តែគណៈកម្មាធិការមួយនេះមិនបានបញ្ជាក់អ្វីលម្អិតបន្ថែមនោះទេ។
គួរបញ្ជាក់ថា លោកស្រី Wu Aiying បានចំណាយពេលជាច្រើនឆ្នាំរបស់លោកស្រី បំពេញការងារជាមន្ត្រីនៅតំបន់ភាគខាងកើតខេត្តសានទុង (Shandong) ជាទីដែលលោកស្រីបានឡើង ដំណែងជាបន្តបន្ទាប់ រហូតដល់ជាអនុប្រធានសាខាគណៈបក្សប្រចាំខេត្ត មុននឹងលោកស្រីផ្លាស់មកកាន់ទីក្រុងប៉េកាំង ដើម្បីធ្វើការងារក្នុងក្រសួងយុត្តិធម៌ កាលពីឆ្នាំ២០០៣៕

ព្រឹកនេះខ្ញុំបាទ សាន្ត ប៊ុនធឿន ចេញមុខរិះគន់ចំៗឆ្លេីយតបទៅនិងម្ចាស់វិទ្យុ ABC

ជន​ដៃ​ដល់​វាយ​តំណាងរាស្ត្រ​បក្ស​ប្រឆាំង​បញ្ជូន​មក​កាន់​តុលាការ​ហើយ

ជន​ដៃ​ដល់​វាយ​តំណាងរាស្ត្រ​បក្ស​ប្រឆាំង​បញ្ជូន​មក​កាន់​តុលាការ​ហើយ

ជន​ដៃ​ដល់​ពីរ​នាក់ (រូប​ស្ដាំ​មុខ​ក្រោយ) ក្នុង​ចំណោម​៣​នាក់ ពេល​បញ្ជូន​មក​ដល់​សាលាដំបូង​រាជធានី​ភ្នំពេញ នៅ​ថ្ងៃ​ទី​៤ ខែ​វិច្ឆិកា ឆ្នាំ​២០១៥។ RFA/Brach Chev

Photo: RFA

បុរស​៣នាក់ ដែល​វាយ​តំណាងរាស្ត្រ​បក្ស​ប្រឆាំង​ឲ្យ​រង​របួស​ធ្ងន់ ត្រូវ​បាន​បញ្ជូន​មក​ដល់ សាលាដំបូង​រាជធានី​ភ្នំពេញ​ហើយ នា​ព្រឹក​ថ្ងៃ​ទី​០៤ ខែ​វិច្ឆិកា។
កាល​ពី​ថ្ងៃ​ទី០៣ ខែ​វិច្ឆិកា បុរស​ទាំង​៣នាក់​នោះ បាន​ចេញ​មុខ​សារភាព ថា ពួកគេ ​ជា​អ្នក​បង្ក​របួស​ស្នាម​លើ​អ្នក​តំណាងរាស្ត្រ​គណបក្ស​ប្រឆាំង។ ប៉ុន្តែ​ពេល​ពួកគេ​មក​ដល់​តុលាការ ពុំ​បាន​និយាយ​អ្វី​ទៅ​កាន់​អ្នក​សារព័ត៌មាន​នោះ​ទេ។
សេចក្ដី​ប្រកាស​របស់​អ្នកនាំពាក្យ​ក្រសួង​មហាផ្ទៃ ឲ្យដឹងថា បុរស ទាំង​៣​នាក់​នោះ បាន​ចេញ​មុខ​សារភាព​នៅ​ចំពោះ​មុខ​គណៈកម្មការ​ស្រាវជ្រាវ ស៊ើបអង្កេត ពី​ករណី​បង្ក​របួស​ស្នាម​លើ​អ្នក​តំណាងរាស្ត្រ​កាល​ពី​ថ្ងៃ​ទី២៦ តុលា នៅ​មុខ​រដ្ឋសភា​នោះ។
បុរស​ទាំង​៣រូប​នោះ​មាន​ឈ្មោះ ចាយ សារិទ្ធ អាយុ​៣៣ឆ្នាំ មាន​លំនៅ​ក្នុង​ក្រុង​តាខ្មៅ ខេត្ត​កណ្ដាល ឈ្មោះ ម៉ៅ ហឿន អាយុ ៣៤ឆ្នាំ រស់​នៅ​ស្រុក​ពាមរក៍ ខេត្ត​ព្រៃវែង និង​ឈ្មោះ សុត វណ្ណនី អាយុ ៤៥ឆ្នាំ រស់​នៅ​ក្រុង​តាខ្មៅ ខេត្ត​កណ្ដាល។
នៅ​ពេល​បុរស​ទាំង​៣នាក់ ត្រូវ​បាន​បញ្ជូន​មក​ដល់​តុលាការ​ភ្លាមៗ តំណាងរាស្រ្ត គណបក្ស​សង្រ្គោះជាតិ លោក ហូ វ៉ាន ក៏​មាន​វត្តមាន​ឃ្លាំ​មើល​នៅ​ទី​នោះ​ដែរ។ ប៉ុន្តែ​លោក​ពុំ​បាន​ធ្វើ​អត្ថាធិប្បាយ​អ្វី ដល់​អ្នក​សារព័ត៌មាន​ឡើយ៕

សហព័ន្ធ​បាល់​ទាត់​កម្ពុជា​បក​ស្រាយ​ឱ្យ​អស់​ចម្ងល់ រឿង​លុយ​បាន​ពី​ការ​លក់​សំបុត្រ

សហព័ន្ធ​បាល់​ទាត់​កម្ពុជា​បក​ស្រាយ​ឱ្យ​អស់​ចម្ងល់ រឿង​លុយ​បាន​ពី​ការ​លក់​សំបុត្រ

FFC, ក្រុមកីឡាបាល់ទាត់ជម្រើសជាតិកម្ពុជា, សៅ សុខា

អ្នក ​គាំទ្រ​បាល់​ទាត់​កម្ពុជា ក៏​ដូច​ជា​មតិ​សាធារណៈ​ជា​ច្រើន​បាន​ដាក់​ចម្ងល់​ថា​តើ​សហព័ន្ធ​លក់​សំបុត្រ ​ថ្លៃ​ៗ​យ៉ាង​នេះ​យក​លុយ​ទៅ​ណា ឬ​យក​ទៅ​ដាក់​ហោប៉ៅ​រៀង​ៗ​ខ្លួន​? ខណៈ​ពេល​នេះ លោក សៅ សុខា ប្រធាន​សហព័ន្ធ​​កីឡា​បាល់ទាត់​កម្ពុជា​បាន​ចេញ​មុខ​មក​បកស្រាយ​រឿង​ទាំង​ អស់​នេះ​ហើយ ដើម្បី​កុំ​ឱ្យ​អ្នក​គាំទ្រ​ទាំង​អស់​យល់​ច្រឡំ​បន្ត​ទៀត ​ដោយ​បញ្ជាក់​ថា​ប្រាក់​ដែល​បាន​ពី​ការ​លក់​សំបុត្រ​និង​ចំណូល​ផ្សេង​ៗ​ទៀត​ គឺ​ដើម្បី​យក​ទៅ​ទុក​ផ្គត់ផ្គង់​ទៅ​លើ​កត្តា​២។

  រូបតំណាង

កត្តា​ទី​១ ​គឺ​ត្រៀម​ដំឡើង​ប្រាក់​ខែ​ដល់​កីឡាករ​ទាំង​អស់ និង​រៀបចំ​ថវិកា​ជូន​ដល់​ក្លិប​អាជីព​របស់​កីឡាករ​នីមួយ​ៗ បង្ការ​ក្រែង​មាន​កីឡាករ​ណា​លេង​របួស​ ​ត្រលប់​ទៅ​ក្លិប​វិញ​ត្រូវ​សម្រាក​ព្យាបាល។ ចំពោះ​ចំណុច​នេះ ប្រធាន​កីឡា​ខាង​លើ​បាន​និយាយ​ថា៖ “ខ្ញុំ​មិន​ទាន់​ច្បាស់​១០០​%​ទេ ដោយ​យើង​កំពុង​សិក្សា​មើល តែ​យើង​មាន​គម្រោង​រួច​ហើយ​ថា​នឹង​ដំឡើង​ប្រាក់​ខែ​ដល់​កីឡាករ​ទាំង​អស់។ ដូច​រដ្ឋាភិបាល​កម្ពុជា នៅ​ឆ្នាំ​២០១៨ នឹង​ដំឡើង​ប្រាក់​ខែ​បុគ្គលិក​រដ្ឋ​ជាង​១​លាន​ដែរ អីចឹង​បាល់ទាត់​ក៏​ត្រូវ​តែ​គិតគូរ​រឿង​នេះ​ដែរ… យើង​អាច​ធ្វើ​មុន​ឆ្នាំ​២០១៨​ផង មិន​ដឹង។ មួយ​ទៀត សហព័ន្ធ​ក៏​ត្រូវ​ឱ្យ​លុយ​ដល់​ក្លិប​ដែល​មាន​កីឡាករ​ចូល​លេង​ជម្រើស​ជាតិ​ ដែរ ព្រោះ​ពេល​របួស​ត្រលប់​ទៅ​វិញ ក្លិប​ជា​អ្នក​ចំណាយ​ព្យាបាល”។

កត្តា​ទី​២​គឺ​ត្រៀម​លុយ​ពង្រីក​ថ្នាល​យុវជន។ “ថ្នាល​យុវជន​ជា​រឿង​សំខាន់ ដូច្នេះ​សហព័ន្ធ​ត្រូវ​តែ​ត្រៀម​លុយ​ទុក​ឱ្យ​បាន​គ្រប់គ្រាន់។ សម្រាប់​ក្លិប​ណា​ដែល​មាន​ថ្នាល​យុវជន​តាម​ស្តង់ដារ សហព័ន្ធ​នឹង​ជួយ​ជ្រោមជ្រែង ដោយ​អាច​ចេញ​ជា​ថ្លៃ​ឈ្នួល​គ្រូ​បង្វឹក សម្ភារ​ផ្សេង​ៗ​ទៀត”។

 លោក សៅ សុខា ប្រធាន​សហព័ន្ធ​​កីឡា​បាល់ទាត់​កម្ពុជា

បន្ទាប់​ពី​បកស្រាយ​២​ចំណុច​នេះ​ហើយ លោក សៅ សុខា ​បាន​បន្ថែម​ទៀត​ថា​សហព័ន្ធ​មិន​ដែល​មាន​គំនិត​ចង់​បាន​ប្រាក់​ពី​ការ​លក់​ សំបុត្រ​នោះ​ទេ ដោយ​ប្រាក់​បាន​មក​ទាំង​អស់​ដើម្បី​តែ​អភិវឌ្ឍ​វិស័យ​កីឡា​ទាំង​អស់។ ហើយ​ប្រសិន​បើ​មាន​អ្នក​ណា​មិន​ជឿ​ទុក​ចិត្ត​ទេ អាច​ទៅ​បើក​បញ្ជី​នៅ​សហព័ន្ធ​បាល់​ទាត់​បាន​គ្រប់​ពេល ខាង​លោក​មិន​ដែល​លាក់បាំង​នោះ​ទេ៕

អ្នក​គាំទ្រ​ចូល​ទស្សនា​ពេល​កម្ពុជា​ប្រកួត​នឹងអាហ្វហ្គានីស្ថាន