សហព័ន្ធបាល់ទាត់កម្ពុជាបកស្រាយឱ្យអស់ចម្ងល់ រឿងលុយបានពីការលក់សំបុត្រ
រូបតំណាងកត្តាទី១ គឺត្រៀមដំឡើងប្រាក់ខែដល់កីឡាករទាំងអស់ និងរៀបចំថវិកាជូនដល់ក្លិបអាជីពរបស់កីឡាករនីមួយៗ បង្ការក្រែងមានកីឡាករណាលេងរបួស ត្រលប់ទៅក្លិបវិញត្រូវសម្រាកព្យាបាល។ ចំពោះចំណុចនេះ ប្រធានកីឡាខាងលើបាននិយាយថា៖ “ខ្ញុំមិនទាន់ច្បាស់១០០%ទេ ដោយយើងកំពុងសិក្សាមើល តែយើងមានគម្រោងរួចហើយថានឹងដំឡើងប្រាក់ខែដល់កីឡាករទាំងអស់។ ដូចរដ្ឋាភិបាលកម្ពុជា នៅឆ្នាំ២០១៨ នឹងដំឡើងប្រាក់ខែបុគ្គលិករដ្ឋជាង១លានដែរ អីចឹងបាល់ទាត់ក៏ត្រូវតែគិតគូររឿងនេះដែរ… យើងអាចធ្វើមុនឆ្នាំ២០១៨ផង មិនដឹង។ មួយទៀត សហព័ន្ធក៏ត្រូវឱ្យលុយដល់ក្លិបដែលមានកីឡាករចូលលេងជម្រើសជាតិ ដែរ ព្រោះពេលរបួសត្រលប់ទៅវិញ ក្លិបជាអ្នកចំណាយព្យាបាល”។
កត្តាទី២គឺត្រៀមលុយពង្រីកថ្នាលយុវជន។ “ថ្នាលយុវជនជារឿងសំខាន់ ដូច្នេះសហព័ន្ធត្រូវតែត្រៀមលុយទុកឱ្យបានគ្រប់គ្រាន់។ សម្រាប់ក្លិបណាដែលមានថ្នាលយុវជនតាមស្តង់ដារ សហព័ន្ធនឹងជួយជ្រោមជ្រែង ដោយអាចចេញជាថ្លៃឈ្នួលគ្រូបង្វឹក សម្ភារផ្សេងៗទៀត”។
លោក សៅ សុខា ប្រធានសហព័ន្ធកីឡាបាល់ទាត់កម្ពុជា
បន្ទាប់ពីបកស្រាយ២ចំណុចនេះហើយ លោក សៅ សុខា បានបន្ថែមទៀតថាសហព័ន្ធមិនដែលមានគំនិតចង់បានប្រាក់ពីការលក់ សំបុត្រនោះទេ ដោយប្រាក់បានមកទាំងអស់ដើម្បីតែអភិវឌ្ឍវិស័យកីឡាទាំងអស់។ ហើយប្រសិនបើមានអ្នកណាមិនជឿទុកចិត្តទេ អាចទៅបើកបញ្ជីនៅសហព័ន្ធបាល់ទាត់បានគ្រប់ពេល ខាងលោកមិនដែលលាក់បាំងនោះទេ៕
អ្នកគាំទ្រចូលទស្សនាពេលកម្ពុជាប្រកួតនឹងអាហ្វហ្គានីស្ថាន
No comments:
Post a Comment